ՀՀ ԱԺ ՀՀԿ խմբակցության ղեկավար Գալուստ Սահակյանը խորհրդրանում լրագրողների հետ զրույցի ժամանակ անդրադարձել է օֆշորային պատմությանը, որում ներգրավված են ՀՀ վարչապետ Տիգրան Սարգսյանի, Նավասարդ արքեպիսկոպոս Կճոյանի և գործարար Աշոտ Սուքիասյանի անունները։ Գալուստ Սահակյանը հայտարարել է, որ չի հավատում այդ կազմակերպված շոուներին։

–Չեմ կարծում՝ վարչապետը պետք է խնդիր ունենար օֆշորային գոտիներում գումար պահելու հետ: Դրանք բոլորը դեմ են կառավարությանը, վարչապետին, քաղաքական թիմին: Ընդդիմությունն էլ թիրախային է դարձնում դրանք,–ասել է ՀՀԿ խմբակցության ղեկավարը:

Միաժամանակ նա խոստովանել է, որ բանկային համակարգից ոչինչ չի հասկանում, բայց և պնդել է, թե Տիգրան Սարգսյանի անվան շուրջը անհեթեթ հերյուրանքներ են տարածվում։

Լրագրողների հարցադրմանը՝ հնարավո՞ր է՝ ԱԺ նախագահ Հովիկ Աբրահամյանն է Տիգրան Սարգսյանին վարկաբեկել փորձող այդ անձնավորությունը, Գ. Սահակյանը պատասխանել է.

–Ես այն գործիչը չեմ, որ կանգնեմ այստեղ, միասին բամբասենք: Դրանք շոու սարքելու խնդիր կարող են լինել: Կառավարությանը, վարչապետին, քաղաքական թիմին դեմ գործառույթներ են: Հովիկ Աբրահամյանն ու վարչապետը պայքարում են, որ ի՞նչ անեն։

7or.am