Լրահոս

21.01.2011 16:13


Երկու քարի արանքում

Երկու քարի արանքում

Ավտոքաղաքացիական պատասխանատվության պետական ապահովագրությունից դժգոհում են մեծ մասամբ Ջավախքի բնակիչները,  ովքեր վրացական պետհամարանիշով մեքենաներ են վարում, իսկ Հայաստանի սահմանը հատելուն պես նրանցից ԱՊՊԱ կտրոն են պահանջում: Կտրոնը պետք  է փակցված լինի դիմապակուն: Վրաստանի սահմանը հատելիս ջավախքցիներն արդեն ստիպված են հարգել  վրացական իշխանությունների պահանջը, այն է՝ դիմապակին մաքուր պետք է լինի, արգելվում է վրան ինչ-որ բան փակցնել: Դժգոհությունները մեծ են  հատկապես միկրոավտոբուսների վարորդներից, ովքեր ամեն օր ստիպված են հատել հայ-վրացական սահմանը Բավրայի մաքսակետով, ու ամեն օր ստիպված են հարգել երկու երկրների իշխանությունների պահանջն էլ:

Այսօր Բավրայի  անցակետում են հավաքվել  վարորդներն ու դժգոհել, թե  ԱՊՊԱ համակարգի ներդրումից հետո իրենք «կրակն են ընկել»:

Այն մեքենաները, որոնք Հայաստանում ապահովագրված չեն, մուտք գործելուն պես ակտավորվում են: Վարորդներին  առաջարկվում է  հենց Բավրայի մաքսատանը ԱՊՊԱ պայմանագիր ձեռք բերել ու կտրոնը փակցնել դիմապակուն:

«Հայաստան ենք գալիս տարվա մեջ մեկ անգամ, արժե՞ դրա համար ԱՊՊԱ կտրոն հանել, Վրաստանում էլ տուգանում են, թե ինչի՞ ես էդ թուղթը խփել ապակուդ: Հիմա մենք ի՞նչ անենք»,-ասել  են Բավրայի անցակետում հավաքված  վարորդները:

Այս խորագրի վերջին նյութերը