Սիրիայի տնօրինության տակ գտնվող քիմիական զենքի պահեստները կարող են պարունակել մինչև հազար տոննա թունավոր վառելանյութ։ Այս մասին լրագրողներին հինգշաբթի հայտարարել է ԱՄՆ պետքարտուղարության բարձրաստիճան ներկայացուցիչը։ Հինգշաբթի ԱՄՆ պետքարտուղար Ջոն Քերին և ՌԴ արտգործնախարար Ս. Լավրովը Ժնևում սկսել են սիրիական քիմիական զենքի՝ միջազգային վերահսկողությանը հանձնելու ռուսական նախաձեռնության քննարկումը։ Այս մասին հայտնում է «РИА Новости»–ն։

«Սիրիայում շուրջ տոննայի հասնող քիմիական զենքը շատ լուրջ թիվ է. այն ավելի շատ է, քան Լիբիան ուներ, և ավելի քիչ, քան ժամանակին ԱՄՆ–ն ու ՌԴ–ն ունեին։ Սա լուրջ մարտահրավեր է ոչ միայն զենքի քանակության պահով, այլ արտադրության միջոցների և տեղափոխման»,–ասել է ԱՄՆ արտաքին քաղաքականության գերատեսչության ներկայացուցիչը։