Աշխարհի ամենաթանկ մեքենան՝ Լամբորջինի Ավենտադոր LP 700-4–ը, որը պատված է մաքուր ոսկով, պլատինով և ադամանդներով, վաճառքի է հանվել Արաբական Միացյալ Էմիրությունների ֆինանսական մայրաքաղաք Դուբայում։ Այս մասին հայտնում է «ՌԻԱ նովոստի»–ն։ Շքեղ մեքենան ստեղծողները մտադիր են այն վաճառել 7,3 մլն դոլարով։

Ներկայումս ոսկե Լամբորջինին, որը հավակնում է Գինեսի գրքի միանգամից չորս անվանակարգի, այդ թվում՝ իբրև ամենաթանկ մեքենա, ձեռնարկության ամենաթանկ նմուշ, աշխարհում միակ ոսկե մեքենան, որը կշռում է 500 կգ, ընդամենը իրական մեքենայի 1:8 չափով է ստեղծված։ Այն դեպքում, երբ մեքենայի իրական գնորդ կհայտնվի, այն կստեղծեն իր իսկական չափերով։