Մամուլի ազգային ակումբն իր տարակուսանքն է հայտնում «Հայկական ժամանակ» օրաթերթի գլխավոր խմբագիր Նիկոլ Փաշինյանի կալանավորման կապակցությամբ՝ համաներումը որպես բարի կամքի և մարդասիրության դրսևորման իշխանությունների հայտարարությունների համատեքստում։

            Հաշվի առնելով ՝

-       մարտի 1- ի դատաիրավական գործընթացների հանդեպ հասարակության անվստահությունը;

-       հասարակական անհամաձայնության մեղմացման և մարտի 1-ի հետևանքները հաղթահարելու անհրաժեշտությունը;

-       մարդու իրավունքների ապահովման գործում իշխանությունների պարտավորությունները;

-       «Հայկական ժամանակ»-ի գլխավոր խմբագիր Նիկոլ Փաշինյանի դերը հայաստանյան նորագույն շրջանի մամուլի կայացման գործում՝

     Մամուլի ազգային ակումբը ՀՀ իշխանություններին կոչ է անում ազատ արձակել «Հայկական ժամանակ» օրաթերթի գլխավոր խմբագիր Նիկոլ Փաշինյանին:

Մամուլի ազգային ակումբ

21.07.09