Միջազգային էներգետիկ գործակալության ավագ տնտեսագետ Ֆետիհ Բիրոլը «The Indenden» հրատարակությանն ասել է, որ նավթի արդյունահանման տեմպի անկումը երկու անգամ ավելի բարձր է, քան կանխատեսվել էր 2007 թվականին։

Տնտեսագետի խոսքերով, արդյունահանման անկման արագացման մասին եզրակացությունը կայացվել է ավելի քան 800 հանքերի պահուստների դինամիկայի ուսումնասիրության հիման վրա։ Այդ 800 հանքերում է կենտրոնացած նավթի համաշխարհային պաշարների ավելի քան 75 տոկոսը։

Ինչպես պարզվել է, տարվա ընթացքում նավթարդյունաբերության ծավալը կրճատվել է 6,7 տոկոսով։

Ավելի վաղ Միջազգային էներգետիկ գործակալությունը ՕՊԵԿ-ի հետ համատեղ կանխատեսել էր, որ առաջիկայում  նավթի պահանջարկը շոշոփելիորեն չի բարձրանա և 2012-2013 թթ  միայն կհասնի 2008 թվականի սահմանին։