Մի ուշագրավ փաստի մասին եմ ուզում տեղեկացնել, որին, չգիտես՝ ինչու, լրատվականներն անդրադարձ չեն կատարում։ 2013-ի մարտի 18–ին կայացած հանդիպման ժամանակ, որը տեղի էր ունեցել Սերժ Սարգսյանի և լրատվամիջոցների ներկայացուցիչների միջև, նախագահ Սերժ Սարգսյանը հստակ ասեց, թե որ դեպքում ՀՀ կառավարությունը պետք է հրաժարական տա։ Մեջբերեմ ՀՀ նախագահ Սերժ Սարգսյանի խոսքը․
«Հայաստանի Հանրապետության այն կառավարությունը, որ տարվա արդյունքներով, դա վերաբերում է 2013-2017 թվականներին, չապահովի 7 տոկոս տնտեսական աճ` այդ կառավարությունը պետք է հրաժարական տա»։
Ինչ է ստացվում․․․համաձայն ԱՎԾ-ի (Ազգային Վիճակագրկան Ծառայություն) հրապարակած տվյալների՝ 2013թ. հունվար-նոյեմբերի կտրվածքով գրանցվել է 3․1 տոկոս տնտեսական աճ։ Բացի դա, Սերժ Սարգսյանը ևս մի կարևոր հանձնարարական էր տվել կառավարությանը, համաձայն որի՝ աշխատավարձերի բարձրացումը պետք է գերակշռի գնաճին։ Սակայն, նորից համաձայն հրապարակված տվյալների, գնաճը կազմել է 5․8 տոկոս, իսկ աշխատավարձերի բարձրացումը՝ 4․4 տոկոս։ Ինչ է ստացվում․․․․
1․ Նախագահ Սերժ Սարգսյանի խոսքերով՝ այն կառավարությունը որը չի ապահովի 7 տոկոս տարեկան տնեսական աճ, պետք է հրաժարական տա, վերը նշվածից պարզ է դառնում, որ կառավարությունն այլ ելք չունի։ Եթե անգամ բոլոր մնացած դեպքերում կարողանում էր ինչ-ինչ ձևերով, մանիպուլյացիաներով պլստալ ամեն անգամ, ապա այս անգամ չհարգել ՀՀ նախագահի ասածը և դեմ գնալ նրա խոսքին ու հրաժարական չտալ, դա արդեն «կատաստրոֆիկ» կլինի։ Չեմ կարծում, որ կառավարությունը, ի դեմս վարչապետի, այդքան «դուխ» կունենա։
2․ՀՀ կառավարությունը չի կարողացել կատարել Սերժ Սարգսյանի երկրորդ կարևոր առաջադրանքը, քանի որ տարեվերջին ստացվել է հակառակ պատկեր, և գնաճն է գերակշռել աշխատավարձերի բարձրացմանը։
Կոչ եմ անում բոլոր լրատվականներին ակտիվորեն ներգրավվել այս գործըթացին, քանզի նման կառավարությունով Հայաստանը դատապարտված է դեգրադացման և ռեգրեսի։
Հ․Գ․ Ներկայացնում եմ տեսանյութը, որտեղ Սերժ Սարգսյանն ասում է այն, ինչ ես վկայակոչել եմ գրառմանս մեջ։ 57։30 րոպեից դիտել։