Քաղաքական

14.01.2014 11:23


Միքայել Մելքումյան. «Ռոբերտ Քոչարյանի փաստարկները հիմնավոր են»

Միքայել Մելքումյան. «Ռոբերտ Քոչարյանի փաստարկները հիմնավոր են»

«Բարգավաճ Հայաստան» խմբակցության պատգամավոր Միքայել Մելքումյանը կարծում է, որ Ռոբերտ Քոչարյանի բերած փաստարկները, մասնավորաբար, շինարարության հետ կապված խնդիրների վերաբերյալ, հիմնավոր են. «2000-2008 թվականներին տնտեսության զարգացման բանաձեւը գտնվել էր ու դա շինարարությունն էր, որը իր հերթին զարգացնում էր մյուս ոլորտները»,- ասել է նա Առավոտի հետ զրույցում:

Առավել կոնկրետացնելով ասելիքը, մեր զրուցակիցը բերում է թվեր` 2008 թվականին կար մոտ 840 միլիարդ դրամի շինարարական ծավալ, իսկ այժմ` 400 միլիարդից էլ քիչ է: Այսինքն, երկու անգամից ավելի նվազել են շինարարական ծավալները, ինչը նշանակում է, որ ներդրումային միջավայրը նպաստավոր չէ:
«Իսկ շինարարությունը դա նշանակում է շինանյութերի արտադրություն, տրանսպորտի ոլորտի աշխատանք, ճարտարապետություն, նախագծային աշխատանքներ, մասնագետների աշխատանքներ: Այն տարիներին մոտ 170 հազար մարդ էր աշխատում: Այսինքն, այս առումով, հիմնվել նրա վրա, որ աշխարհում կա շինարարական փուչիկ հասկացություն, որը նշանակում է գրավադրված ակտիվների, հիփոթեքային ակտիվների փուչիկ, ես չեմ համաձայնի Հայաստանի համար: Աշխարհում, այո կա, բայց Հայաստանին դա բնորոշ չի, որովհետեւ Հայաստանում շինարարության ոլորտում ներդրված գումարները բացարձակ հիփոթեկային հիմքով չեն եղել, եղել են նաեւ այլ բնույթի»,- ասաց Միքայել Մելքումյանը: ԲՀԿ-ական պատգամավորի այս հակադարձումները վերաբերվում են ՀՀ վարչապետ Տիգրան Սարգսյանի` դեռ անցյալ տարեվերջին Ռոբերտ Քոչարյանի ներկայացրած քննադատության պարզաբանումներին:
Վարչապետի պարզաբանումներին հետեւեց Ռոբերտ Քոչարյանի արձագանքը, որտեղ անդրադարձ կար նաեւ պարտադիր կուտակային կենսաթոշակային համակարգին ու ՌԴ-ի հետ ստորագրած գազային պայմանագրերին: ԲՀԿ-ական պատգամավորը հիշեցնում է, որ խորհրդարանական քննարկումներում ԲՀԿ-ն քանիցս ասել է, որ այդ ռեֆորմը վստահություն չի ներշնչում: Բերվել են Սլովակիայի, Արգենտինայի եւ այլ երկրների օրինակները, որոնք բավական կարճ ժամանակահատվածում եւ քաղաքական վայրիվերումների արդյունքում հրաժարվեցին այդ համակարգից` գումարները շահառուներին վերադարձնելով: «Ես կարծում եմ, որ դա բավական ռիսկային է, քանի որ, եթե այսօր գումարներ ենք հավաքում, որպեսզի ֆինանսական միջնորդությունները զարգացնենք, ապա համապատասխան գումարներ տալու համար, այդ գումարները պետք է ներդրվեն այնտեղ, որտեղ որ տնտեսական աճն ավելի է, քան Հայաստանում: Այսինքն, դրանց մեծ մասն անպայման դուրս է գնալու եւ հինգ տոկոսը բավական մեծ բեռ է թե քաղաքացու, թե պետբյուջեի համար»:
Մանրամասները՝ aravot.am–ում։:

Այս խորագրի վերջին նյութերը