Տնտեսագետ Վահագն Խաչատրյանն այսօր հրավիրված ասուլիսում վստահեցրել է, որ Որոտանի ՀԷԿ-ի վաճառքի գործարքը իրավական երկրում քրեական գործ հարուցելու հիմք կդառնար: Նա անընդունելի է համարում պետական սեփականություն հանդիսացող ՀԷԿ-ի ոչ հանրային վաճառքը՝ միաժամանակ ընդգծելով.

–Որոտանի ՀԷԿ-ի շահույթով վճարվել են «Նաիրիտի» աշխատակիցների աշխատավարձերը, ու տնտեսական մի շարք խնդիրներ լուծվել։ Վաճառքից ստացած գումարը անգամ ամիսներ անց չի մտել պետական բյուջե։ Ո՞ւր է գնացել այդ 180 միլիոնը: Եթե այդպես էլ չգնա պետբյուջե, պետք է դիմել իրավական մարմիններին։ Ինժեներական առումով նման ունիկալ կառույցի վաճառքը նշանակում է տնտեսապես մի «համեղ պատառ» ուրիշին տալ։ Շատ հնարավոր է, որ ավելի թանկ վաճառված լինի, որովհետև միջազգային շուկայում Որոտանի արժեքը 2 անգամ թանկ է կառավարության ներկայացրած գնից։

ՀԷԿ–ի վաճառքի հետ կապված՝ Արդարադատության նախարար Հրայր Թովմասյանի պատասխանն էլ տնտեսագետը մանկամիտ է համարում, անհնարին փորձ՝ անօրինական գործարքին օրինական բացատրություն տալ։

–Ցինիզմը հասել է այն աստիճանի, որ չեն էլ ուզում կասկածները փարատել՝ մտածելով, թե ո՞վ են, որ մի հատ էլ տեղյակ պահենք,–ավելացրել է Վ. Խաչատրյանը:

7or.am