Կարծիք

17.03.2014 15:14


Մերի Մովսիսյան. «Հատ–հատ անխնա անդրադարձ է լինելու»

Մերի Մովսիսյան. «Հատ–հատ անխնա անդրադարձ է լինելու»

Մինչև վարդապետի վերջին «խազն» անրադարձ է լինելու. ոչ մեկ չի մոռացվելու Հայրենիքին մատուցած «ծառայությունների» համար:

Մշտապես ասվել է, զգուշացվել է, որ յուրաքանչյուր ոք, ով դուրս է գալիս երկրի ու ժողովրդի դեմ, ծառայելով ռեժիմին՝ ականի պես պայթեցվելու է։ Ո՛չ մի դեր չեն խաղա անգամ տվյալ մարդու սոցիալական կարգավիճակը, հասարակության մեջ դիրքը կամ նրա հեղինակությունը։ Հատ–հատ անխնա անդրադարձ է լինելու, քանզի այս իշխանությանը թույլ չենք տալու բարոյազրկել մի ամբողջ ազգի։

Այս իշխանությունը բարոյազրկում է հայ ազգի մի ստվար զանգված։ Անբարոյականությունը դարձել է պալատական ծառաների այցեքարտը, բարոյալքվում է ամեն ինչ, և ամեն ոք ով ընկնում է Սարգսյանի ազդեցության տակ։

Բարոյալքված ազգը պետության կործանման առաջին նախանշաններից է։ Ոչ մեկին թույլ չի տրվելու իր վարքով ու ստրկամտությամբ ոտնձգություն կատարել Հայաստան պետության նկատմամբ։

Հ. Գ. Կոչ եմ անում մեր մտավորականությանը (իրական մտավորականությանը) իրենց ֆեյսբուքյան գրառումներով, ելույթներով և բոլոր այլ հնարավոր միջոցներով բարձրաձայնել բարոյականության խնդրի կարևորությունը՝ անհատի բարոյական կերպարից մինչև ազգ ու առաջնորդ։

Մերի Մովսիսյան

Այս խորագրի վերջին նյութերը