Վայ էն երկրին, որտեղ իրեն հռչակած լիբերալ, ժողովրդավարական և մարդկային արժեքների կրող ուժը չի դիմանում իրենց ուղղված քննադատական հոդվածին (որն, ի դեպ, կոռեկտության սահմանների մեջ էր և զուրկ չէր փաստերից) և լրիվ խուժանական պահվածք է դրսևորում թե՛ բառապաշարի, թե՛ ընդհանուր վարքագծի առումով:

Բայց ասածս դա չէ: Մեր երկրում բոլորիս էլ քաջ հայտնի է, որ եթե ուզում ես իմանալ, թե ում դաշտում է խաղում էս կամ էն ուժը, ապա նայիր, թե որ լրատվամիջոցներն են լուսաբանում էդ ուժի գործունեությունը: Վերջերս էլ լույս աշխարհ եկավ մի հրապարակում, որտեղ Շարմազանովի շնորհիվ բոլորս իմացանք Բաղրամյան 26-ի հրամանով աշխատող լրատվամիջոցների անունները:

Դե հիմա բացեք էդ լրատվամիջոցները (օրինակ բոլորիս քաջ հայտնի «1in.am»-ը, «haynews.am»-ը և այլն) ու ծանոթացեք «Նախախորհրդարանի» բոլոր փռշտոցներին` հայտարարություններին, հարցազրույցներին և այլն: Իսկ հաշվի առնելով էն, որ Բաղրամյան 26-ի լրատվամիջոցները լուսաբանում են միայն իրենց հաճախորդներին կամ ռեժիմի ջրաղացին ջուր լցնող գործիչներին, ապա կհասկանաք, թե ինչն ինչոց է:

Հ.Գ.: Ի դեպ, եթե ինչ-որ մեկին քննադատում ես, ապա առաջին հերթին պետք է հարցնես, թե ինչ քայլերս ես ինքդ ձեռնարկում` իրավիճակը շտկելու համար: Էնպես որ, երբ «Նախախորհրդարանի» անդամները քննադատում են ոչիշխանական 4 ուժերի գործունեությունը, ապա թող սկսեն նրանից, թե իրենց ինչ ռեալ քայլեր են ձեռնարկել` մեր երկիրը էսօրվա խայտառակ իրավիճակից հանելու համար: Ես խոսում եմ ոչ թե ինչ որ ամպագոռգոռ հայտարարությունների մասին, այլ կոնկրետ քայլերի մասին: Գլխին նարնջագույն կասկա դնելով ու երկրի վրա դրախտ կառուցելու նպատակների մասին ամպագոռգոռ հայտարարություններ անելով ոչ մի իրական փոփոխությունների չես հասնի, և դրա մասին պետք է որ հասկանան իրենց մտավորականներ համարողները: Պետք է ռեալ, իրավիճակին ադեկվատ քայլեր ձեռնարկել, այլ ոչ թե մարդկանց ուշադրությունը շեղել ինչ-որ գեղեցիկ, բայց դատարկ խոստումներով և ծրագրային դրույթներով: Իսկ դուք էսօր, բացի խոսալուց, ոչ մի իրական քայլեր չեք անում, բայց ձեզ իրավունք եք վերապահում քննադատել ոչիշխանական 4 ուժերի գործունեությունը:

Գրիգոր Աթանեսյանի ֆեյսբուքյան էջից