Լրահոս

15.08.2009 14:58


Լեռնիկ Ալեքսանյան. «Սերժ Սարգսյանն ավելի քիչ շրջաններ կուզի տալ»

Լեռնիկ Ալեքսանյան. «Սերժ Սարգսյանն ավելի քիչ շրջաններ կուզի տալ»

«Հանրապետական խմբակցության» պատգամավոր Լեռնիկ Ալեքսանյանն «Ազդակ» ակումբում ասել է, որ թեև Արցախի անկախության և անվտանգության դիմաց հայկական կողմն ազատագրված տարածքներից մի քանիսը պետք է հանձնի, սակայն չի գտնվի մի հայ, այդ թվում նաև ՀՀ նախագահը, որ ուզենա շատ շրջան զիջել.

-Սերժ Սարգսյանն այն մարդկանցից մեկն է, ովքեր ավելի շատ դոզայով ազգայնականություն ունեն։ Նա ավելի քիչ շրջաններ կուզի տալ, որովհետև ամբողջ այդ պատերազմի մասնակիցն է եղել, կոպիտ ասեմ՝ այդ պատերազմով է ինքը նաև այսօր իր իմիջը ձեռքբերել։ Սերժ Սարգսյանի և նույնը Ռոբերտ Քոչարյանի համար այսօր ինչ-որ բան հենց այնպես տալն ավելի ցավալի կլինի, քան թե այն մարդկանց համար, որոնք այսօր մեծ-մեծ խոսում են։

Իսկ լրագրողների այն դիտարկմանն ի պատասխան, թե, սկսած 1993 թ–ի կեսերից, երբ հայկական զորքերն ունեցան հաջողություններ և սկսեցին ազատագրել Արցախն ու հարակից շրջանները, այդ ժամանակ  Սերժ Սարգսյանն ընդհանրապես Արցախում չէր ու մեկնել էր Մոսկվա , իսկ այնուհետև վերադարձել էր Երևան,- Լ. Ալեքսանյանն ասել է.

-Կարող է մի բանի գրավման ժամանակ մեկն ըստեղ չլինի, բայց դա չի նշանակում, որ նա չի մասնակցել։ Այդ ամբողջ ընթացքում Սերժ Սարգսյանը պատերազմին մասնակցել է։ Այդ պահին նաև կարող է չմասնակցած լինի, ես չգիտեմ։

7or.am 

 

Այս խորագրի վերջին նյութերը