Այսօր լրագրողների հետ հանդիպմանը ՀՀ էկոնոմիկայի նախարար Վահրամ Ավանեսյանը հայտնել է, որ պաշտոնում իր մնալու հարցը կախված է նրանից, թե ինչպիսի կառավարություն է ձևավորվելու: Անդրադառնալով Տիգրան Սարգսյանի հրաժարականին՝ նախարարն ասել է. «Վարչապետի հրաժարականն ինձ համար անակնկալ էր, իսկ կառավարությունում իմ մնալ-չմնալը կախված է նրանից, թե ինչպիսի կառավարություն է ձևավորվելու։ Իհարկե, սա այն դեպքում, եթե լինի կառավարությունում մնալու առաջարկ»,- ասել է Ավանեսյանը:

ԿԳ նախարար Արմեն Աշոտյանը ևս տեղյակ չի եղել, որ Տիգրան Սարգսյանը հրաժարական է տալու:
«Բնական գործընթաց է. գալիս են ու գնում»,-լրագրողներին ասել է Աշոտյանը:
Ինչ վերաբերում է իր հետագա պաշտոնավարմանը, նախարարն իրեն հատուկ ոճով նշել է. «Ես ինձ տեսնում եմ ՀՀԿ–ում։ Դա բավարար է, որ դուք ինձնից պրծում չունենաք»։

7or.am