ՄԱԿ–ի ՅՈՒՆԻՍԵՖ մանկական հիմնադրամը հայտնում է, որ այս շաբաթ Սիրիայում 11 երեխա է զոհվել։ Ողբերգական իրադարձությունները, որոնք տեղի են ունեցել Դամասկոս նահանգի գյուղական վայրերում և Ալ–Քալամուն սարերում, հիշեցնում են բախման տանջալից հետևանքները։ ՅՈՒՆԻՍԵՖՈՒՄ նշում են, որ մեծ թվով երեխաներ բռնության զոհ են դարձել բախման հետևանքով։

«Տանջանքներին պետք է վերջ տրվի, և բախման բոլոր կողմերը պետք է պահպանեն ստանձնած պարտականությունները երեխաներին պաշտպանելու գործում»,–ասվում է Մանկական հիմնադրամի տարածած հաղորդագրության մեջ։ Հիմնադրամը կոչ է արել բախման կողմերին անմիջապես վերջ տալ հազարավոր երեխաների կյանք խլած հակամարտությանը, որն անկայունության կհանգեցնի տարածաշրջանում:

Տեղեկացնում է rosbalt.ru–ն։