«Fox News» հեռուստաալիքին տված հարցազրույցում ԱՄՆ Ֆլորիդա նահանգի նախկին ղեկավար Ջեբ Բուշը` ԱՄՆ նախկին նախագահ Ջորջ Բուշ Կրտսերի եղբայրը, չի բացառել, որ կմասնակցի 2016թ. ԱՄՆ նախագահական ընտրություններին:

Հանրապետական կուսակցությունում մեծ հեղինակություն ունեցող 61-ամյա Ջեբ Բուշը հայտնի է երկրի միգրացիոն քաղաքականությունը մեղմելու տեսակետներով. ըստ նրա` ապօրինի ներգաղթյալներն ԱՄՆ են ժամանում անելանելի վիճակից ելնելով: Ընտրվելով՝ Ջեբը կշարունակի ընտանեկան ավանդույթը. նրա ավագ եղբայր Ջորջ Բուշ Կրտսերը ԱՄՆ-ի 43-րդ նախագահն էր, իսկ հայրը` Ջորջ Բուշ Ավագը, 41-րդը:

Այս մասին տեղեկացնում է «ԻՏԱՌ-ՏԱՍՍ»-ը: