Քիչ առաջ Երևանի Նալբանդյան փողոցը փակած ցուցարարներին է մոտեցել ՀՀ ֆինանսների նախարարի պաշտոնակատար Դավիթ Սարգսյանը։ Դա տեղի է ունեցել բողոքի գործողության մասնակիցների պահանջով։ Ավելի վաղ Դավիթ Սարգսյանը հրաժարվում էր դուրս գալ ցուցարարների մոտ՝ հայտնելով, թե պատրաստ է նրանց ընդունել։ Ցուցարարներին է մոտեցել նաև ՀՀ նախկին վարչապետ Տիգրան Սարգսյանը։ Բողոքի գործողության մասնակիցները սուլում էին՝ վանկարկելով՝ «Ա-մո՛թ»։ Ականատեսների փոխանցմամբ՝ Տիգրան Սարգսյանի հետևից վանկարկել են՝ «Սյու-զի՛»։

Նախկին վարչապետը երկխոսության առաջարկ արեց ակտիվիստներին, ինչին վերջինները պատասխանեցին դժգոհության բացականչություններով ու սուլոցներով։ Տիգրան Սարգսյանը խոսեց մի քանի րոպե ու հեռացավ։ Ակտիվիստները նրա հետևից սկսեցին բղավել՝ «դիշովկա, սրիկա, հանցագործ»։