«Պարոն Ծառուկյանը չորս խնդիր է դրել Սերժ Սարգսյանի առջև։ Նա շեշտել է, որ ԲՀԿ-ի օրակարգում կոալիցիայի մաս կազմելու խնդիր չկա»,- «Կենտրոն» հեռուստաընկերության եթերում ասել է ԱԺ ԲՀԿ խմբակցության անդամ Վարդան Օսկանյանը՝ անդրադառնալով ՀՀ վարչապետի թեկնածուի անվան շուրջ Սերժ Սարգսյանի հրավիրած քաղաքական կոնսուլտացիային:
Վարդան Օսկանյանը նշել է, որ ԲՀԿ առաջնորդը երկրի գործող նախագահին է ներկայացրել նաև տնտեսական փոփոխությունների անհրաժեշտությունը. «Պարոն Ծառուկյանն ասել է, որ ժամանակն է գնահատական տալ կառավարության վեց տարիների գործունեությանը` հասկանալու համար, թե ինչ պետք է անենլ ստեղծված իրավիճակից դուրս գալու համար»: