«Կասպիական հնգյակի» հատուկ աշխատանքային խմբի՝ ԱԳՆ փոխնախարարների մակարդակով հանդիպումը՝ Կասպիի կարգավիճակի վերաբերյալ, տեղի կունենա Իրանում մայիսի վերջին, հունիսի սկզբին։ Այս մասին հայտնել է ՌԴ նախագահի հատուկ ներկայացուցիչ, ՌԴ ԱԳՆ հատուկ հանձնարարականների դեսպան Իգոր Բրատչիկովը։

«Կասպիական հնգյակի» մեջ են Ռուսաստանը, Ադրբեջանը, Իրանը, Ղազախստանը, Թուրքմենստանը։ «Հնգյակի» լիդերների չորրորդ գագաթաժողովը տեղի կունենա աշնանը Աստրախանում։

Տեղեկացնում է «ՌԻԱ նովոստի»–ն։