Ադրբեջանի փոխարտգործնախարարի հայտարարության, մասնավորապես ԵԱՀԿ Մինսկի խմբի ԱՄՆ համանախագահ Ջեյմս Ուորլիքին անվստահություն հայտնելու, նրա հետ աշխատելուց հրաժարվելու եւ նրան այդ պաշտոնից հետ կանչելու վերաբերյալ «Արցախպրես»-ը մեկնաբանության խնդրանքով դիմել է ԼՂՀ Արտաքին գործերի նախարարության մամլո ծառայությանը: Հարցին ի պատասխան` նշվել է, որ այդ հայտարարությունն Ադրբեջանի ապակառուցողական դիրքորոշման հերթական դրսևորումն է՝ միտված ԵԱՀԿ Մինսկի խմբի եռանախագահության ձևաչափի խաթարմանը և ադրբեջանաղարաբաղյան հակամարտության կարգավորման գործընթացի արհեստական ձգձգմանը։

«Ադրբեջանի նման կեցվածքը վկայում է ադրբեջանաղարաբաղյան հակամարտության վերջնական կարգավորման մեջ նրա շահագրգռվածության բացակայության մասին»,-ասված է մեկնաբանության մեջ:

Մանրամասները՝ artsakhpress.am–ում։