«Մեկ նախադասությամբ՝ ոլորտն այսօր ունի բազմաթիվ հիմնախնդիրներ: Ամենակարևորն ինձ համար հասարակության վստահության մակարդակն է, որը պետք է փորձենք բարձրացնել»,- այսօր կառավարությունում լրագրողներին հայտնել է արդարադատության նորանշանակ նախարար Հովհաննես Մանուկյանը։ Նա կոչ է արել տարբերել Արդարադատության նախարարությունը դատական համակարգից:

«Շատերն Արդարադատության նախարարությունն ու դատական համակարգը շփոթում են: Արդարադատության նախարարը չի դատում. լրիվ այլ գործառույթներ ունի»,- ասել է նախարարը։