Աբխազիայի ընդդիմությունը դեռևս չի կողմնորոշվել վարչապետի նոր թեկնածուի հարցում. Կառավարության նոր ղեկավարը պարտադիր չէ՝ լինի ընդդիմության շարքերից։ Այս մասին այսօր «ՌԻԱ նովոստի»–ին հայտնել է աբխազական ընդդիմության առաջնորդ, հանրապետության նախկին փոխվարչապետ Ռաուլ Խաջիմբան։

«Աբխազիայում ոչ միայն ընդդիմության շարքերում, այլև մեր հասարակության այլ շերտերում կան արժանի անձինք։ Մենք չենք խոսում հստակ ընդդիմադիր ներկայացուցիչների մասին»,–ասել է նա։ Նա նշել է նաև, որ ընդդիմությունը շարունակում է ժամանակավոր Կառավարություն ձևավորել, ի դեպ՝ արդեն կան մի քանի նախարարությունների ղեկավարների թեկնածություններ։

Տեղեկացնում է «ՌԻԱ նովոստի»–ն։