ՀՀ քաղաքաշինության նորանշանակ նախարար Նարեկ Սարգսյանը դպրոցական տարիքից վիրավորված է Անաստաս Միկոյանից։ Այսօր ՀՀ ԱԺ–ում լրագրողների հետ ճեպազրույցի ժամանակ նա հիշել է, թե ինչպես են 6–րդ դասարանում իրենց տարել օդանավակայան, սակայն Միկոյանը իջել է օդանավից և չի մոտեցել դպրոցականներին։

–6–րդ դասարանից մինչև հիմա մանկական վիրավորվածության զգացում ունեմ,-խոստովանել է նախարարը։

Չի համարում նաև, որ Միկոյանի արձանը Երևանում տեղադրելն առաջնահերթ հարցերից է։

–Այսօր մենք այնքան խնդիրներ ունենք մեր երկրում՝ վստահության, մարդկանց հետ հարաբերվելու, դրական մեսիջներ տալու։ Եվ այս տեսակ շատ կարևոր հարցերը չեն լուծում,–շեշտել է Ն. Սարգսյանը՝ հավելելով, որ ամիսներ առաջ գլխավոր ճարտարապետին ասել է, որ Միկոյանի արձանը «գերեզմանից «քոփի» արված հուշարձան է, լավ կլինի՝ ոչ թե դրվի բուլվարի մեջտեղում, այլ շենքի պատի տակ»։

7or.am