Այսօր ԱԺ-ում սկսվեցին 2013 թ. պետբյուջեի կատարման տարեկան հաշվետվության քննարկումները:

Դիմելով հիմնական զեկուցող, գլխավոր գանձապետ Ատոմ Ջանջուղազյանին՝ ՀԱԿ խմբակցության պատգամավոր Գագիկ Ջհանգիրյանը հիշեցրեց, որ միայն արագաչափերի գործունեության արդյունքում հավելյալ 2.9 մլրդ դրամ շահույթի աճ է արձանագրվել, ինչի արդյունքում 30/70 հարաբերակցությամբ այդ ՍՊԸ-ի (խոսքը «Սեքյուրիթի դրիմ» ՍՊԸ-ի մասին է) սեփականատերերը ստացել են մոտ 10 մլրդ հավելյալ շահույթ:

«Հիմա դուք ինձ կարո՞ղ եք ասել՝ այդ ի՞նչ ծառայություն է մատուցում այդ մասնավոր կազմակերպությունը, որ մենք պետական բյուջեից տարեկան 8 մլրդ փող ենք զիջում, և ի՞նչ է այս մասին մտածում Կառավարությունը»,- հարցրեց Գագիկ Ջհանգիրյանը:

ilur.am