Գազայի հատվածից զինյալները հրթիռ են բաց թողել Իսրայելի ուղղությամբ։ Ինչպես հայտնում է հրեական մամուլը, հրթիռը պայթել է հրեական պետության հարավում՝ Էշկոլ շրջանում, զոհեր և տուժածներ չկան։ Պայթյունը նյութական վնասներ է հասցրել շրջանում։

Ականատեսները նշում են, որ դա երկրորդ հրթիռն է՝ բաց թողնված Գազայի հատվածից Իսրայելի ուղղությամբ այն բանից հետո, երբ Պաղեստինում ձևավորվել է Ազգային համաձայնության կառավարություն՝ «ՀԱՄԱՍ» շարժման մասնակցությամբ, ամսվա սկզբին։ «ՀԱՄԱՍ»–ը վերահսկում է պաղեստինյան ափամերձ անկլավը։

Տեղեկացնում է «ԻՏԱՌ–ՏԱՍՍ»–ը։