2001թ. ՄԱԿ-ի Գլխավոր վեհաժողովը հունիսի 20-ը հռչակեց Փախստականների միջազգային օր: Անցած տարի լրացավ փախստականների կարգավիճակի վերաբերյալ Ժնևում ստորագրված հռչակագրի 60-ամյակը։ Հայաստանն այդ հռչակագրին միացել է 1993թ.։

Հակամարտությունների հետևանքով աշխարհում օրեցօր մեծանում է փախստականների թիվը։ Չնայած այն հանգամանքին, որ միջազգային չափորոշիչները պաշտպանում ու կարգավորում են փախստականների իրավունքները, նրանք բազմաթիվ խնդիրների առջև են կանգնում։

1988թ. Սումգայիթյան ջարդերից հետո մինչև 1992թ. Ադրբեջանից 500 հազ. հայ է հեռացել։ Նրանցից 360 հազ.–ը ապաստան է գտել Հայաստանում։

Փախստականների խնդիրները մշտապես ՄԱԿ–ի օրակարգային քննարկումների կենտրոնում են։