ունիսի 25-ին, ժամը 21.21-ին ԱԻՆ–ում ահազանգ է ստացվել, որ ուժեղ քամուց Երևանի Եղիշե Թադևոսյան նրբանցքի թիվ 9 շենքի մոտակայքում ծառը կոտրվել, ընկել է մոտակա էլ. լարերի վրա. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարները ծառը տեղափոխել են անվտանգ տարածք:

***

Հունիսի 25-ին, ժամը 20.39-ին ահազանգ է ստացվել, որ ուժեղ քամու հետևանքով Երևանի Րաֆֆու փողոցում` «Սթար» սուպերմարկետի մոտակայքում, ծառը կոտրվել, ընկել է ավտոճանապարհին` այն դարձնելով միակողմանի երթևեկելի. անհրաժեշտ է փրկարարների օգնությունը:

Դեպքի վայր է մեկնել հատուկ փրկարարական ջոկատի հերթապահ խումբը:

Փրկարարները ծառը հեռացրել են ճանապարհի երթևեկելի հատվածից:

Նույն օրը

ժամը 22.39-ին ահազանգ է ստացվել, որ ուժեղ քամուց վնասվել է Երևանի Հ. Բաբաջանյան փողոցի թիվ 41 շենքի մոտակայքում գտնվող ավտոտեխսպասարկման կետի տանիքը. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարներն ապամոնտաժել են տանիքը (12 քմ):

***

Հունիսի 25-ին, ժամը 20.21-ին ահազանգ է ստացվել, որ ուժեղ քամուց Երևանի Նալբանդյան փողոցի տներից մեկի տանիքը պոկվել և ընկել է` վնասելով էլ. լարերը. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Հրշեջ-փրկարարներն անվտանգ տարածք են տեղափոխել Մ. Հ.-ին պատկանող տան տանիքը (150 քմ):