Ֆրանսիայի գործող նախագահ Ֆրանսուա Օլանդը կարծում է, որ երկրի նախկին ղեկավար Նիկոլա Սարկոզին պետք է ընկալվի որպես անմեղ, քանի դեռ հակառակը չի ապացուցվել արդարադատության մարմինների կողմից։ Այս մասին փոխանցում է «Ֆրանս պրես» գործակալությունը՝ Կառավարության պաշտոնական ներկայացուցիչ Ստեֆան Լե Ֆոլյային հղումով։

Հիշեցնենք՝ նախօրեին քննիչները պաշտոնական մեղադրանք են ներկայացրել Ֆրանսիայի նախկին նախագահ Նիկոլա Սարկոզիի դեմ։ Նախկին նախագահը մեղադրվում է կաշառք տալու, անձնական նպատակներով պաշտոնական դիրքի չարաշահման մեջ, բացի այդ, Վճռաբեկ դատարանի գլխավոր փաստաբան Ժիլբեր Ազիբերը մեղադրվում է կաշառք վերցնելու և մասնագիտական գաղտնիքի խախտման մեջ։

Տեղեկացնում է «ՌԻԱ Նովոստի»–ն։