Հուլիսի 10-ին, ժամը 01.36-ին ահազանգ է ստացվել, որ Հրազդան-Հանքավան ավտոճանապարհին տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ միջհամայնքային Հ-28 ավտոճանապարհի Հրազդան-Հանքավան հատվածքի 1-ին կմ-ում «Մերսեդես E 200» մակնիշի 22 ՍՍ 272 պետհամարանիշի ավտոմեքենան դուրս է եկել ճանապարհի երթևեկելի մասից և հայտնվել հարակից դաշտում, ինչից վարորդ Զ. Հ. (ծնվ. 1975թ.) տեղափոխվել է Հրազդանի ԲԿ:
Ըստ բժիշկների` տուժածի առողջական վիճակը ծանր է:
Հրշեջ-փրկարարները հոսանքազրկել են ավտոմեքենան և դադարեցրել գազի արտահոսքը: