Քաղաքացիական ինքնաթիռների շարժը Դավիդ Բեն–Գուրիոնի անվան միջազգային օդանավակայանում դադարեցվել է Թել–Ավիվի հրթիռակոծման հետևանքով։ Այս մասին հաղորդում է իսրայելական ԶԼՄ–ն։ Իսրայելի պաշտպանության բանակի մամուլի ծառայությունը հաղորդել է, որ Գազայի հատվածից «երեք հրթիռ է բաց թողնվել Թել–Ավիվի կենտրոնական հատված, սակայն երեքն էլ խփվել է քաղաքային սահմանագծում»։

«ՀԱՄԱՍ»–ի ներկայացուցիչներն էլ հաղորդել են, որ առաջին անգամ միտումնավոր թիրախ են վերցրել Բեն–Գուրիոնի անվան միջազգային օդանավակայանը, և Թել–Ավիվի ուղղությամբ М-75 չորս հրթիռ են բաց թողել։

Տեղեկացնում է «ԻՏԱՌ–ՏԱՍՍ»–ը։