Հուլիսի 16-ին, ժամը 10.28-ին անձը չպարզված քաղաքացուց ԱԻՆ ահազանգ է ստացվել, որ ինքը բնակվում է 16-րդ թաղամասի թիվ 45 շենքի 95-րդ բնակարանում (գտնվում է անսթափ վիճակում) և փորձում է ինքնասպանություն գործել:
Դեպքի վայր է մեկնել մեկ մարտական հաշվարկ:
Պարզվել է, որ ահազանգողը բնակվում է թիվ 45 շենքի 91-րդ բնակարանում:
Հրշեջ-փրկարարները մուտք են գործել բնակարան (բնակարանի դուռը բաց էր). հյուրասենյակի հատակին` անսթափ վիճակում, հայտնաբերվել է Է. Բ.-ն (ծնվ. 1959 թ.), ով տեղափոխվել է «Արմենիա» ՀԲԿ:
Ըստ բժշիկների վերջինիս առողջական վիճակը բավարար է: