«Մալազիական ավիաուղիներ»–ին պատկանող «Boeing 777»–ի կործանման վայրում գտնվել են 272 զոհվածների մարմինները։ Այս մասին ասել է Ուկրաինայի վարչապետ Արսենի Յացենյուկը։

«Վերջին թվերի համաձայն՝ 272 մարմին է գտնվել, որոնցից 251–ը գտնվում է համապատասխան սառցախցիկներում՝ Տորեզ կայարանում», – ասել է նա։

Յացենյուկը նաև հայտարարել է, որ Ուկրաինան պատրաստ է Նիդեռլանդներին փոխանցել ինքնաթիռի կործանման հետաքննության «համակարգողի դերը»։

«Մեր դիրքորոշումը մնում է անփոփոխ՝ լիարժեք և թափանցիկ միջազգային հետաքննություն», – ասել է նա։ Յացենյուկը նշել է, որ Նիդեռլանդները՝ որպես «առավել տուժած կողմ», «կարող է գլխավորել այդ գործընթացը՝ համակարգելով այն ուկրաինական կառույցների և միջազգային հանրության հետ»։

Տեղեկացնում է «ԻՏԱՌ–ՏԱՍՍ»–ը։