Աշխարհ

10.10.2014 10:48


Քուվեյթն իր տարածքը կտրամադրի Կանադային ԻՊ դեմ գործողություններին մասնակցելու համար

Քուվեյթն իր տարածքը կտրամադրի Կանադային ԻՊ դեմ գործողություններին մասնակցելու համար

Քուվեյթի իշխանությունները համաձայնել են իրենց տարածքում տեղակայել կանադական ռազմական խմբավորումը, որը մասնակցելու է «Իսլամական պետության» դեմ միջազգային գործողությանն Իրաքում և Սիրիայում։ Այս մասին նախօրեին հայտարարել է Կանադայի ազգային պաշտպանության նախարար Ռոբերտ Դուգլաս Նիկոլսոնը։
«Ուրախ եմ հայտնել, որ այսօր մեր կառավարությունը Քուվեյթից նրա ենթակառուցվածքների օբյեկտների օգտագործման թույլտվություն է ստացել, – ասել է նա։– Ներկա պահին մենք շարունակում ենք մեր ռազմական առաքելության պատրաստությունները»։

Նիկոլսոնը չի հստակեցրել՝ երբ կանադական օդուժը կսկսի ռազմական թռիչքները դեպի ԻՊ դիրքեր Իրաքում։
Հիշեցնենք՝ նախորդ շաբաթ Քուվեյթի ավիաբազա է ժամանել կանադական զինծառայողների խումբը, որը պատրաստվում է հանդիպման հիմնական կազմի հետ։

Տեղեկացնում է «ՏԱՍՍ»–ը։

Այս խորագրի վերջին նյութերը