Վերջին ժամանակների համար միանգամայն բնական էր տարբեր իշխանական կայքերում անընդմեջ հանդիպել նման վերնագրերի. ««Եռյակը» կձախողի իր գործում», ««Եռյակը» պառակտվում է», «Ծառուկյանը կընկրկի», ««Եռյակը» դառնում է «երկյակ»» և այլն: Վերնագրերն այքան նմանատիպ էին, իսկ դրանց ներքո գրված տողերը՝ այնքան նույնը, որ կարիք էլ չկա դրանց մանրամասնորեն անդրադառնալ:
Ուղղակի եկավ մի պահ, երբ իշխանական քարոզչամեքենան ըմբռնեց, որ նման օդից վերցված ու իրական հիմք չունեցող վերլուծությունները առ ոչինչ են, և իրականում որևէ օգուտ չեն տալիս` բացի վնասից, քանի որ դրանցում առկա կեղծիքը աչքի էր զարնում հենց առաջին տեղերից:
Եվ հիմա, երբ «սերժանտները» ամբողջությամբ ձախողեցին իրենց վրա դրված գործը, մարտի են նետվել «գեներալները», և սկսել են գնահատականներ տալ «եռյակին», «եռյակի» առաջնորդներին, «եռյակի» ծավալվող գործըթնացներին և այլն: Նրանց քարոզչադաշտ բերելը վկայում է, որ բոլոր իշխանական գործքիներն արդեն սպառվել են:
Ի դեպ, նույն այդ գործքիների սպառվելու մասին է վկայում նաև այն, որ վերջին օրերին ամբողջ թափով միացել է նաև նախկին ընդդիմադիր, իսկ այսօր՝ արդեն չակերտավոր «ընդդիմադիր» դարձած, բացառապես «եռյակին» փնովելու գործին լծված Արամ Զավենի Սարգսյանը, որի ձայնն ու կարծիքը լսվում է միայն այն ժամանակ, երբ իշխանական քարոզչամեքենան հանկարծ նրա կարիքն է ունենում:

Politik Man–ի ֆեյսբուքյան էջից