Հոլիվուդյան դերասանուհի Մերլին Մոնրոյի՝ «Vintage Everyday»–ում հրապարակված լուսանկարներն ինքնատիպ են հատկապես ընդգծված բնականությամբ։ Դրանք արվել են դերասանուհու ողբերգական մահից ընդամենը մեկ ամիս առաջ՝ 1962–ին, Սանտա–Մոնիկայի լողափին։

Ջորջ Բարրիսի լուսանկարներում դերասանուհին կեցվածք է ընդունել կանաչ սրբիչով. բաց դեղին լոքոներ, թանձր քսած թարթիչներ, պեպեններ, կնճիռներ և ոչ մի գրամ «Ֆոտոշոփ»։ Դերասանուհին անհոգ է, քան երբևէ և չի հիշեցնում ընկճախտով տառապող կուռքի՝ շրջապատված բամբասանքով ու սկանդալներով։

Ծանոթանալով լուսանկարիչ Բարրիսի հետ՝ Մոնրոն ասել էր. «Չհավատա՛ք ոչնչի, ինչ կարդացել եք իմ մասին»։

Երևում է՝ լուսանկարիչն այդպես էլ արել է՝ ցույց տալով իրական Մերլինին։

Տեղեկացնում է «ELLE»–ն։