Երկրում պատերազմ է: Իշխանությունը պատերազմում է սեփական ժողովրդի դեմ: Ընդ որում, արդեն կիրառվում են ոչ միայն հոգեբանական ճնշման մեթոդները, այլ բռնի ուժը:

Դեռ չենք հասցրել մարսել լուրերն էն բանի մասին, որ ծեծի են ենթարկել Արցախյան ազատամարտի մասնակիցներ, Ապարանի ջոկատի հրամանատար Ռազմիկ Պետրոսյանին և «Արաբո» ջոկատի հրամանատար Մանվել Եղիազարյանին, էսօր էլ հայտնի է դարձել, որ ծեծի է ենթարկվել ազատամարտիկ Սուրեն Սարգսյանը:

Եվ էս ամենը տեղի է ունենում «Ազատամարտիկների դաշինք»-ի հայտարարության հրապարակումից հետո, որտեղ կոչ է արվում համաժողովրդական շարժմանը գործուն մասնակցություն ցուցաբերելը, և պատրաստակամություն է հայտնվում համագործակցել բոլոր այն կուսակցությունների և հասարակական կազմակերպությունների հետ, որոնք նպատակ ունեն համաժողովրդական շարժման միջոցով օր առաջ հասնելու արմատական իշխանափոխության: