Ուկրաինայի խորհրդարանը կոչով դիմել է ՌԴ նախագահ Վլադիմիր Պուտինին և Պետդումային՝ ընդունել բոլոր անհրաժեշտ միջոցները ուկրաինացի օդաչու Նադեժդա Սավչենկոյին ազատելու համար, որը մեղադրվում է ռուսաստանցի լրագրողների սպանության մեջ։ Դիմումին Ռադայի այսօրվա նիստում հավանություն է տվել 321 պատգամավոր անհրաժեշտ 226 ձայնից։

Դիմումում նշվում է, որ անկախ Ուկրաինայի պատմության մեջ առաջին անգամ ժողովրդական պատգամավոր է ընտրվել, որը չունի հնարավորություն՝ ներկայացնելու Ուկրաինայի ժողովրդին խորհրդարանի դահլիճում, քանզի գտնվում է հսկողության տակ այլ պետության տարածքում։

Տեղեկացնում է «ՌԻԱ նովոստի»–ն։