ԱԺ մարդու իրավունքների պաշտպանության հանձնաժողովի նախագահ, ԲՀԿ խմբակցության անդամ Էլինար Վարդանյանը օրերս ազատամարտիկների նկատմամբ կիրառված բռնության դեպքերի վերաբերյալ հանդես է եկել հայտարարությամբ, որում ասված է.
«Վերջին օրերին ազատամարտիկների նկատմամբ կիրառված բռնության դեպքերը անընդունելի և խիստ դատապարտելի են: Որևէ բացատրություն և արդարացում չի կարող լինել նման արաքների համար:
Ես ակնկալում եմ, որ իրավապահ մարմինները կձեռնարկեն բոլոր անհրաժեշտ միջոցները՝ մեղավորներին հայտնաբերելու և պատասխանատվության ենթարկելու համար:
Դա իրավապահ համակարգի թե ուղիղ պարտականությունն է ու, թե պատվի հարցը:
Հարկ է նշել նաև, որ նման վայրագ մոտեցումները անարձագանք չեն մնում տարբեր միջազգային կառույցների կողմից, հետևաբար հանցագործության անհապաղ բացահայտումը օրվա հրամայական է դարձել»: