Փոխոստիկանապետի պաշտոնն աչքիս մթագնել է Լևոն Երանոսյանի միտքը։ Մտել է, հայտնի է, թե ում, կեղտոտ խաղի մեջ՝ առանց հաշվի առնելու դրա հետևանքները։ Ի՞նչ է ասում Երանոսյանը. շների ականջ կտրելու մասին է խոսում։

Ինչ ասեմ. Սերժ Սարգսյանի համար Տիգրան Սարգսյանից հավատարիմ չլինի Երանոսյանը։ Նախկին վարչապետի՝ «ականջները» կտրելու որոշման ընդունումը որքա՞ն քաշեց։ Ասածս ինչ է. Երանոսյանն իր պաշտոնին ոչ հարիր հայտարարություն է արել՝ մեկ, երկրորդ՝ նա պետք է դրա համար պատասխան տա։ Երանոսյանը ցանկացել է լավություն անել Սերժ Սարգսյանին, այն էլ վատություն է ստացվել։
Եվ քանի որ Երանոսյանը նման «պոդնոժկա» է տվել Սարգսյանին, ապա, ինչպես վկայում է փորձը, հավանական է, որ նրա ականջներն ավելի շուտ «կկտրվեն», քան նա կարծում է։ Իզուր թող չկարծի, որ նրա ականջները Տիգրան Սարգսյանի ականջներից ինչ–որ բանով առավել են։

Աննա Մովսիսյան