ԶԼՄ–ի համար Կառավավարության կազմակերպած ընդունելության ժամանակ ՀՀ վարչապետ Հովիկ Աբրահամյանը լրագրողներին ասել է, որ ուզում է՝ Ձմեռ պապիկը խաղաղություն և համերաշխություն բերի 2015 թվականին։ Ամփոփելով տարին՝ նա նշել է, որ օբյեկտիվ քննադատություններն ընդունում է ի գիտություն և փորձում շտկել, իսկ բոցաշունչ հայտարարությունների կողքով անցնում է աննկատելի ու չի շեղվում ճանապարհից:

–Ունենք չլուծված խնդիրներ, բայց և ունենք այդ ուժը, փորձը, որ 2015թ. շարունակենք առկա խնդիրները լուծել: Ընդհանուր առմամբ, 2014-ը և՛ ձեռքբերումների, և՛ մարտահրավերների տարի էր։ Պարզ է, որ մայիս ամսին ձևավորված Կառավարությունը չի կարող լուծել տարիներով կուտակված խնդիրները: Հասարակությունից խնդրում ենք համբերություն և ժամանակ,-ասել է Հ. Աբրահամյանը,–ոմանք ինձ խոստացան կախարդական փայտիկ նվիրել, ոնց որ չհաջողվեց։ Բայց ես դա ասել եմ համեմատական անցկացնելով, որ միանգամից պրոբլեմները չենք կարող լուծել, այլ մեզ պետք է ժամանակ:
2014թ. բացթողումը Հ. Աբրահամյանը համարում է ժողովրդի համար բարեկեցիկ կյանք ապահովել չկարողանալը.

–Կուզեի՝ աղքատությունը կրճատվեր, ավելի շատ աշխատատեղեր ստեղծվեին: Համոզված եմ, որ 2015-2016թթ. այդ խնդիրներին լուծում կտանք:

Ամանորը Հ. Աբրահամյանը դիմավորելու է տանը՝ հայրիկի, թոռնիկների, իր երեխաների հետ:

7or.am