Երեկ Շիրակի մարզկենտրոնում պետք է որ փոքրիկ Սերյոժայի հոգեհանգստին գտնվեր նաև Սերժ Սարգսյանը, սակայն այնտեղ նրան այդպես էլ ոչ ոք չտեսավ։
Սա նշանակում է՝
ա) նրա մոտ գործել է սեփական անվտանգության պահպանման բնազդը,

բ) չներկայանալով Գյումրի՝ Սարգսյանն անուղղակիորեն հաստատել է, որ գոնե այդ մարզի շրջանակներում իր՝ պաշտոնից բխող լիազորությունները չեն տարածվում։
Գուցե դա փոքր–ինչ տարօրինակ հնչի, բայց ներկայում, կարելի է ասել, որ Շիրակի մարզը, մասնավորապես՝ Գյումրին, գտնվում են ինքնավարության «ռեժիմում»։
Սա յուրահատուկ ինդիկատոր պետք է լինի, որը խորհրդանշում է այս իշխանությունների մասնատման ու քայքայման գործընթացը։ Իշխանական բուրգը լավ թուլացել է, մնում է այն ապամոնտաժել, որ չթափվի մեր գլխին, ու չցնցի երկիրը։

Աննա Մովսիսյան