«Google» ընկերության ղեկավար Էրիկ Շմիդտը Դավոսում ընթացող Համաշխարհային տնտեսական համաժողովում հայտարարել է, թե համացանցի օրերը հաշված են։

«Համացանցը կանհետանա։ IP հասցեները, ազդանշանային հաղորդիչները, սարքավորումները, որոնք կրում է օգտատերը, այնքան կավելանան, որ դուք կդադարեք նույնիսկ դա զգալ ու ընկալել»,-հայտարարել է Շմիդտը՝ պատասխանելով համցանցի ապագայի վերաբերյալ հարցին։

«ՏԱՍՍ»-ի փոխանցմամբ՝ «Google»–ի ղեկավարը կանխատեսում է, որ օրեցօր ավելացող տեղեկատվական նոր հարթակները հանգեցնելու են համացանցի վերացմանը։