Ուկրաինայի արևելքում Մալազիական «Boeing»–ի կործանման պատճառների քննության վերջնական արդյունքները, ինչպես սպասվում է, պատրաստ կլինեն ընթացիկ տարվա երկրորդ կեսին։
Այս մասին հայտարարել է Նիդեռլանդների վարչապետ Մարկ Ռյութթենը Դավոսում կայացած ֆորումի ընթացքում՝ Մալազիայի վարչապետ Նաջիբ Ռազակի հետ բանակցություններում։
Ինչպես հաղորդում է «New Strait Times»–ը, Ռյութթենը վստահեցրել է գործընկերոջը, որ զեկույցը սկզբից կփոխանցվի մալազիական կողմին, և հետո միայն կհրապարակվի։
Հիշեցնենք՝ «Մալազիական ավիաուղիներ» ընկերության ինքնաթիռը, որը չվերթ էր կատարում Ամստերդամից Կուալա–Լումպուր, կործանվել է անցած տարվա հուլիսի 17-ին. ողջ կազմը՝ 298 մարդ, զոհվել է։

Տեղեկացնում է «ՏԱՍՍ»–ը։