ՀՀ վերաքննիչ քրեական դատարանն այսօր անփոփոխ թողեց Շանթ Հարությունյանի և ընկերների գործով առաջին ատյանի դատարանի վճիռը։

Հիշեցնենք, որ 2014թ. հոկտեմբերի 17-ին Երևանի Կենտրոն և Նորք Մարաշ համայնքների ընդհանուր իրավասության դատարանը Նոյեմբերի 5-ի գործով 13 ամբաստանյալներին դատապարտել էր 1-7 տարվա ազատազրկման։ Միսակ Միքայելյանի նկատմամբ նշանակել էր տուգանք։

Իսկ Շանթ Հարությունյանի 15-ամյա որդին՝ Շահեն Հարությունյանը, դատապարտել էր 4 տարվա ազատազրկման՝ պատժի պայմանական չկիրառմամբ։