Ինչպես հայտնում է «Ալ Ջազիրա» հեռուսատաալիքը՝ եգիպտական Ալեքսանդրիա քաղաքում հայտնաբերվել է  23 ցուցարարի դիակ։

Ավելի վաղ հաղորդվում էր, որ Եգիպտոսում անկարգություններին զոհ է գնացել 32 մարդ, և որ ավելի քան հազար մարդ էլ ստացել է տարբեր աստիճանի վնասվածքներ։

Վերջին օրերի ընթացքում բռնությունների ալիքի հետևանքով Սուեզ քաղաքում զոհվել է 13 մարդ, իսկ վիրավորվածների թիվը հասնում է 75-ի։

Մայրաքաղաք Կահիրեում վերջին 24 ժամվա ընթացքում ստացած վնասվածքներից մահացել է  5 մարդ։

Այսօր ցույցերը շարունակվում են Եգիպտոսի բոլոր խոշոր քաղաքներում՝ չնայած նախագահ Խոսնի Մուբարակի՝  կառավարությունը ցրելու մասին հայտարարությանը։