Քաղաքական

15.04.2015 13:43


Փաստաբան. «Ժիրայր Սեֆիլյանի նկատմամբ քաղաքական հետապնդում է իրականացվում»

Փաստաբան. «Ժիրայր Սեֆիլյանի նկատմամբ քաղաքական հետապնդում է իրականացվում»

Փաստաբան Տիգրան Եգորյանն այսօր հրավիրված ասուլիսում անդրադառնալով «Հիմնադիր խորհրդարան»-ի անդամների կալանավորմանը՝ նշել է, որ թեև նրանց բնակարանների խուզարկությունն ու ձերբակալությունները սկսվել են ապրիլի 7-ին, սակայն գործը հարուցված է եղել փետրվարի 18-ից։ Փետրվարի 24-ին 29 հոգուց բաղկացած քննչական խումբ է ստեղծվել՝ ՀԿԳ քննչական վարչության գրեթե բոլոր քննիչների մասնակցությամբ:

–Արամ Հակոբյանի նկատմամբ կիրառվեց գրավը, քանի որ հարևանի տանն էին սխալմամբ տեղադրել ռումբը: Սա կլասիկ հանձնարարականի ոչ պատշաճ ու ոչ լիարժեք կատարում է։ Պետությունը քաղաքական հետապնդման շրջանակներում սցենար է մշակել, որը ձախողվել է կատարողների անփութության պատճառով, –ասել է Տ. Եգորյանը՝ հավելելով, որ բոլորի կալանավորման 8-10–էջանոց որոշումները գրվել են 25-40 րոպեում, այսինքն՝ նախապես սևագրված են եղել:

Փաստաբան Լուսինե Հակոբյանն էլ ավելացրել է, որ Ժիրայր Սեֆիլյանի նկատմամբ քաղաքական հետապնդում է իրականացվում:

Իսկ փաստաբան Արա Զաքարյանը նշել է, որ քրեական գործով որևէ հանգամանք չկա, որը կապացուցի զանգվածային անկարգություններ նախապատրաստելու մեղադրանքը:

7or.am

Այս խորագրի վերջին նյութերը