ԼՂ հակամարտության խաղաղ կարգավորմանն ուղղված ԵԱՀԿ Մինսկի խմբի ձևաչափի փոփոխման փորձերը կարող են խափանել բանակցային գործընթացը։ Այս մասին, «ՌԻԱ նովոստի»–ի փոխանցմամբ, ասել է ՌԴ փոխարտգործնախարար Գրիգորի Կարասինը։

«Հաշվի առնելով ղարաբաղյան հիմնախնդրի ողջ զգայունությունը՝ ձևաչափի փոփոխման ցանկացած փորձ կարող է հանգեցնել բանակցային գործընթացի խափանման, իսկ կողմերի դիրքորոշման մեջ՝ հետընթացի»,- նկատել է փոխարտգործնախարարը։

Կարասինը նշել է, որ Ռուսաստանը և ԵԱՀԿ Մինսկի խմբի մյուս միջնորդները կարող են օգնել, լուծման տարբերակներ առաջարկել, սակայն կարգավորումը կախված է հակամարտող կողմերից։

7or.am