Մայիսի 5-ին, ժամը 00.20-ին, «Հարավկովկասյան երկաթգիծ» ընկերությունից ոստիկանության Բյուրեղավանի բաժանմունքում ահազանգ է ստացվել, որ խափանվել է կիսակայանի լուսացույցը և, հնարավոր է, գողացել են սնուցող մալուխը:
Պարզվել է, որ կտրել և գողացել են լուսացույցը սնուցող 45 մետր պղնձյա մալուխը:
Ոստիկանության Բյուրեղավանի բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ հանցագործությունը կատարել է 1999 թ. ծնված Ա. Խ.-ն, ով մայիսի 6-ին, ժամը 18.00-ին, բերման է ենթարկվել բաժանմունք և տվել խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Վնասի չափը պարզվում է:
Կատարվում է քննություն: