Մայիսի 24-ին, ժամը 14.16-ին ահազանգ է ստացվել, որ Աղվերան-Չարենցավան ավտոճանապարհին «ԷյՎի» հյուրանոցային համալիրի մոտակայքում ժայռաբեկորը պոկվել է, ընկել ճանապարհի երթևեկելի հատված, ինչից ավտոճանապարհը դարձել է միակողմանի երթևեկելի. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Չարենցավան-Աղվերան 14-րդ կմ-ում հարակից ժայռից քարաբեկորը պոկվել էր և ընկել ավտոճանապարհին (մոտ 1 խմ):
Հրշեջ-փրկարարները` ՃՇՇ աշխատակիցների հետ համատեղ, քարաբեկորը հեռացրել են ավտոճանապարհից: