Լրահոս

21.06.2015 11:41


ՃՏՊ Երևան-Երասխ, Ապարան-Երևան ավտոճանապարհներին և Գյումրի քաղաքում

ՃՏՊ Երևան-Երասխ, Ապարան-Երևան ավտոճանապարհներին և Գյումրի քաղաքում

Հունիսի 21-ին, ժամը 05.10-ին ՏԿԱԻՆ–ում տեղեկություն է ստացվել, որ Արտաշատ-Շահումյան ավտոճանապարհին տեղի է ունեցել ՃՏՊ, «ԳԱԶել» մակնիշի ավտոմեքենան կողաշրջվել է. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Երևան-Երասխ հատվածի 35-րդ կմ-ում «ԳԱԶել» մակնիշի 38MN008 պետհամարանիշով բեռնատար ավտոմեքենան (վարորդ՝ Տ. Մ., ծնվ.1986թ.) դուրս է եկել ճանապարհի երթևեկելի հատվածից և կողաշրջվել. տուժածներ չկան:
Հրշեջ-փրկարարները ուղղել են ավտոմեքենան:

***
Հունիսի 20-ին, ժամը 17.30-ին ահազանգ է ստացվել, որ Շիրակի մարզի Գյումրի քաղաքի Գորկու փողոցի թիվ 13 շենքի մոտակայքում տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «ՎԱԶ-2107» մակնիշի 45SL909 պ/հ (վարորդ՝ Մ. Գ. ծնվ. 1941թ.) ավտոմեքենան և «Սուզուկի» մակնիշի ՕՕ888 պ/հ (վարորդ Կ. Գ., ծնվ. 1983թ.) մոտոցիկլետը. վերջինից առկա է վառելիքի արտահոսք:
Մինչ հրշեջ-փրկարարների կանչի վայր հասնելը Մ.Գ.-ը և Կ.Գ.-ը հոսպիտալացվել են Գյումրի քաղաքի ԲԿ: Բժիշկները Մ.Գ.-ի առողջական վիճակը գնահատել են բավարար, ով ստանալով համապատասխան բուժօգնություն` դուրս է գրվել բժշկական կենտրոնից, իսկ Կ.Գ.-ի վիճակը գնահտվել է միջին ծանրության:
Հրշեջ-փրկարարները հոսանքազրկել են ավտոմեքենան և փակել գազի բալոնի փականը և իրականացրել են ճանապարհի լվացման աշխատանքներ:
***
Հունիսի 21-ին, ժամը 02.06-ին ահազանգ է ստացվել, որ Արագածոտնի մարզի Քուչակ գյուղի մոտակայքում տեղի է ունեցել ՃՏՊ` ավտոմեքենան դուրս է եկել ավտոճանապարհի երթևեկելի հատվածից և շրջվել ձորը, կա վառելիքի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-3 ավտոճանապարհի Ապարան-Երևան հատվածի 10-րդ կմ-ում «Օպել» մակնիշի 33UV869 պետհամարանիշով (վարորդ` Զ. Հ., ծնվ. 1978թ.) ավտոմեքենան դուրս է եկել ավտոճանապարհի երթևեկելի հատվածից (մոտ 10 մ) և ց
Հրշեջ-փրկարարները վարորդին դուրս են բերել ավտոմեքենայից, ով հոսպիտալացվել է Ապարան քաղաքի բժշկական կենտրոն. բժիշկները տուժածի առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան և դուրս բերել երթևեկելի գոտի:

Այս խորագրի վերջին նյութերը