Ինչպես հայտնել էինք, այսօր կեսօրից սկսած՝ ոստիկաններն ապամոնտաժեցին Բաղրամյան պողոտայում բարիկադների վերածված աղբամանները։ Ցուցարարները հրաժարվում էին դադարեցնել իրենց բողոքի գործողությունը և նստել էին փողոցի մեջտեղում։

ՀՀ փոխոստիկանապետ Հունան Պողոսյանն ու Երևանի փոխոստիկանապետ Վալերի Օսիպյանը վստահեցնում էին, որ պողոտայի երթևեկությունը վերականգնելու ընթացքում ցուցարարներից և որևէ մեկի հանդեպ հատուկ միջոցներ չեն կիրառվի։

Որոշ ժամանակ անց ոստիկանները ցուցարարների ոտքերից և ձեռքերից քաշելով՝ նստեցրեցին ոստիկանական մեքենաներ և բերման ենթարկեցին։

Վ. Օսիպյանը հայտարարեց, որ նրանք սահմանված ժամկետներում ազատ կարձակվեն, և որևէ մեկի նկատմամբ մեղադրանք չի առաջադրվի։

Ոստիկանությունից հայտնում են, որ տարբեր ստորաբաժանումներ է տարվել 46 մարդ, որից 6–ն՝ անչափահաս։ Վերջիններն արդեն ազատ են արձակվել։

***

Բերման ենթարկված բոլոր քաղաքացիներն ազատ են արձակվել։

7or.am